August RUSH!

Pasukan.

"Na naman?" - Karaniwang wika ng mga estudyante.

"Haaaay Sa wakas!" -sagot ng mga taong bored na bored na bored na bored na bored na sa bahay nila lalong-lalo na yung mga taga-UP. Alam niyo kasi, nagmove-on na kami este, nagkaroon na kami ng shift sa aming academic calendar(oo alam kong naiintindihan mo yan). Habang kayo'y(non-UP) galak na galak sa pag-aaral noon pang Hunyo, kami naman ay bagot na bagot na sa walang sawang kainan at walang friends na pwedeng makipag-gimikan.

Ako naman, natapos ko na lahat ng mga Anime, Cartoons, Movies at lahat-lahat ng mga laro na nasa laptop ko. Ngayong Agosto na, heheheheh, magkakaroon na muli ng sigla ang aking pangaraw-araw na gawain.

Kyoukai no Kanata, Ano Hana, Avatar, Nagi no Asukara, Magi atbp.

"Every day is a new encounter."-yang linya ang nagsisilbing paalala sa akin na gumising sa realidad ng buhay. Nararanasan ko lang ang mga salitang ito tuwing ako ay nasa malayong lugar(ibig sabihin, wala ako sa aming bahay). Nais ko kasing maglakbay, mangilala at matuto sa parang aking gugustuhin.

Ay! Teka lang, parang nawawala na ako sa tunay kong layunin kung bakit "August RUSH!" ang pamagat nitong aking katha. Ganito kasi yun, alam naman nating lahat na pag pasukan na, iisa lang ang ibig sabihin nito. PILA! Dito sa Kabisayaan, maari mong magamit ang salitang "PILA" bilang "linya" at "magkano" dedepende nga lang sa tono at pagkakagamit nito.

Suriin muna natin ang PILA bilang "linya". Paunahan na sa pagpasok sa iba't-ibang mga gusali upang makakuha ng mga dokumentong maaring gamitin sa iyong enrollment. Magsisimula ang iyong kalbaryo sa pagpila sa pagkuha ng kopya ng iyong mga marka sa nakaraang semestre. Ang unang hakbang ay medyo mabilis sapagkat ang pagpapaprint lang naman ang nagpapatagal nito. Susunod naman ang pagkuha ng mga asignatura at pagpapakiusap sa mga propesor na ayaw nang tumanggap ng mga estudyanteng lampas na sa kota. Madugo ang parteng ito. Ang huling pila ay pagbabayad ng kaukulang halaga para sa iyong tuition at pagpalagda ng iyong University Form 5. Ang mga pila para nito ay ang pinakamatagal at pinakanakakawalang-gana sa lahat.



Ngayon, dumako sa PILA na ibig sabihin ay "magkano". Hmmmmmm.....Hmmmmmmm....Hmmmmmm. Ayoko nang mag-aral, ang mahal-mahal. Di ko kaya ang babayarin. Sa pagbubukas ng semestre, mapipilitan kang umutang dahil wala ka namang sapat na pera para bayaran ang napakalaking tuition fee.

Kaya mag-RUSH nang pumila at mag-RUSH na sa mga LOAN SHARKS, PAWNSHOP at mga BANGKO. UMUTANG KA NA!

A not-so-friendly reminder para hindi kayo maabala sa ENROLLMENT!!!!